Konstitusiya Məhkəməsinin mətbuat xidmətindən bildirmişlər ki, iclasda Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" Qanununun 7.1-ci maddəsinə əsasən, Nəsimi Rayon Məhkəməsinin Azərbaycan Respublikası Cinayət Məcəlləsinin 264-cü maddəsinin və həmin maddədə nəzərdə tutulmuş "... şəxsin yol nəqliyyat hadisəsi yerindən qaçması" müddəasının Azərbaycan Respublikası Konstitusiyasının 63-cü və 71-ci maddələri, eləcə də "İnsan hüquqlarının və əsas azadlıqlarının müdafiəsi haqqında" Avropa Konvensiyasının 6-cı maddəsi baxımından şərh edilməsinə dair müraciətinə baxılaraq onun icraata qəbul edilməsi haqqında qərardad çıxarmışdır.
Müraciətə mahiyyəti üzrə Konstitusiya Məhkəməsi Plenumunun oktyabrın 6-na təyin edilmiş iclasında baxılacaqdır.

AzərTAc