Rusiya Prezidenti yanında keçirilən təcili müşavirədə Rusiya Federal Təhqiqat Bürosunun direktoru Aleksandr Bortnikov bildirmişdir ki, terrorçular Moskva metrosunda partlayış zamanı geksogendən istifadə etmişlər. Onun sözlərinə görə, bombaların tərkibində bolt və armatur parçaları şəklində dağıdıcı elementlər olmuşdur.

Moskva meri Yuri Lujkov terror aktının nəticələrinin aradan qaldırılması, insanların evakuasiya edilməsi, xəstəxanalara çatdırılması, "qaynar xətt" açılması və s. ilə əlaqədar görülən tədbirlər barədə məlumat vermişdir.

Azərbaycanın Rusiyadakı konsulu Hüseyn Hüseynov bildirmişdir ki, səfirlik terror aktı nəticəsində ölənlər və yaralananlar arasında Azərbaycan vətəndaşlarının olub-olmamasını aydınlaşdırır. O demişdir: "Zərərçəkənlər arasında soydaşlarımızın olması barədə heç bir informasiya daxil olmamışdır".

Asya HACIZADƏ

AzərTAc-ın xüsusi müxbiri

Moskva