Sentyabrın 2-də Azərbaycanın Xarici İşlər Nazirliyi (XİN) cari il avqustun 26-da Abxaziyada keçirilmiş qondarma prezident seçkiləri ilə bağlı bəyanat yaymışdır.
XİN-in mətbuat xidmətindən AzərTAc-a daxil olmuş bəyanatda deyilir: "Azərbaycan Respublikasının Xarici İşlər Nazirliyi Gürcüstanın ərazi bütövlüyünü və suverenliyini qəti şəkildə dəstəklədiyini bir daha bildirərək, 2011-ci il avqustun 26-da Abxaziyada keçirilmiş qondarma prezident seçkilərini tanımadığını bəyan edir.
Azərbaycan Respublikasının Xarici İşlər Nazirliyi Cenevrə Müzakirələrini tam dəstəkləyir və münaqişənin həlli istiqamətində hazırkı nizamlama prosesinin konstruktiv şəkildə davam etdirilməsinin vacibliyinə inanır".