Azərbaycanın Xarici İşlər Nazirliyinin mətbuat xidmətindən bildirmişlər ki, Ərəb Dövlətləri Liqasının baş katibi N.Əl-Ərəbi Somalidəki humanitar böhranın aradan qaldırılması üçün ölkəmizin etdiyi maliyyə yardımına görə Azərbaycana təşəkkür məktubu ünvanlamışdır. 
N.Əl-Ərəbi məktubunda Somalidəki müsəlman bacı-qardaşların çəkdikləri iztirabların yüngülləşdirilməsi üçün çevik və səxavətli maliyyə töhfəsinə görə Azərbaycan hökumətinə səmimi təşəkkürünü bildirir və bu addımın Ərəb dünyası ilə Azərbaycan Respublikasını bağlayan tarixi əlaqələrin danılmaz təzahürü olduğunu qeyd edir.

AzərTAc