Azərbaycan Qızıl Aypara Cəmiyyəti (AQAC) Somaliyə yardım kampaniyasını davam etdirir. 
AQAC-dan bildirmişlər ki, kampaniya Cəmiyyətin rəsmi inernet səhifəsi (http://www.redcrescent.az/), facebook (http://www.facebook.com/group.php?gid=324673369269) və twitter (http://twitter.com/#!/AzRedCrescent) sosial şəbəkələrindəki səhifələri vasitəsilə aparılır. Kampaniyaya qoşulanların adları və ianə etdikləri məbləğin miqdarı Azərbaycan Qızıl Aypara Cəmiyyətinin rəsmi internet səhifəsində hər gün yenilənir.
Müqəddəs Ramazan bayramında kampaniya daha da genişləndirilərək beynəlxalq səviyyədə aparılır.
AQAC ilə Türk KızılAyı arasında imzalanmış həmrəylik razılaşmasına əsasən Ramazan bayramı günlərində "Somali vətəndaşlarının da İslam dünyasının digər üzvləri kimi Ramazanı bayram etmələrinə şərait yaradaq" devizi ilə kampaniya həyata keçirilir.