Qazaxıstanla Azərbaycan arasında birbaşa hava nəqliyyatının açılması ilə bağlı danışıqlar aparılır.
"Azadinform" xəbər verir ki, bu barədə Qazaxıstanın Azərbaycandakı səfiri Serik Primbetov keçirdiyi mətbuat konfransında məlumat vermişdir.
Onun sözlərinə görə, danışıqlar Qazaxıstanın SCAT şirkəti ilə aparılır. Hazırda həftədə üç dəfə Almatı-Bakı-Almatı reysinin həyata keçirildiyini diqqətə çatdıran səfir bildirib ki, indi Astana ilə Bakı arasında birbaşa reysin açılması barədə məsələ həll olunmaq ərəfəsindədir.
Qazaxıstanla Azərbaycan arasında hava nəqliyyatının inkişafında müsbət dinamikanın olduğunu vurğulayan səfir xatırladıb ki, bir neçə il əvvəl üçüncü ölkə vasitəsilə uçmaq lazım gəlirdi və bu da narahatlıq yaradırdı.