Avqustun 26-da ABŞ-ın Azərbaycandakı səfirliyinin iqamətgahında iftar mərasimi təşkil edilmişdir. 
İftar mərasimində Azərbaycandakı bütün dini konfessiyaların başçıları və nümayəndələri, Azərbaycanda akkreditə olunmuş diplomatik korpusların rəhbərləri, ABŞ səfirliyinin əməkdaşları iştirak etmişlər.
Mərasimdə çıxış edən ABŞ-ın Azərbaycandakı səfiri Mətyu Brayzə müqəddəs qədr gecəsində iftar süfrəsi açdığından şərəf duyduğunu bildirmişdir. O qeyd etmişdir ki, Qurani-Kərimdə bildirilir ki, bu gecə başqa çoxsaylı gecələrdən daha çox önəmlidir. Çünki bu gecə mələklər Yerə enir. Qədr gecəsi mənim və ailəm üçün önəmli gecələrdən biridir.