Müdafiə Nazirliyinin mətbuat xidmətindən bildirmişlər ki, Ermənistan silahlı qüvvələrinin bölmələri avqustun 24-də saat 11.15-dən 11.20-dək İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində yerləşən mövqelərimizi, saat 12.20-dən 12.35-dək Goranboy rayonunun Tapqaraqoyunlu kəndi yaxınlığında, saat 21.40-dan 21.45-dək Gədəbəy rayonunun ərazisindəki adsız yüksəkliklərdə, saat 23.55-dən 00.15-dək və 1.30-dan 1.40-dək Füzuli rayonunun Aşağı Əbdülrəhmanlı kəndi yaxınlığında və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.

AzərTAc