Avqustun 24-də Azərbaycanın fövqəladə hallar naziri, general-polkovnik Kəmaləddin Heydərov Fələstinin ölkəmizdəki səfiri Nasir Əbdülkərim Əbdürrəhman ilə görüşmüşdür.  
Fövqəladə Hallar Nazirliyinin mətbuat xidmətindən bildirmişlər ki, görüşdə fövqəladə halların idarə edilməsi sahəsindəki əməkdaşlığın perspektivləri müzakirə edilmişdir.
Kəmaləddin Heydərov qonağa rəhbərlik etdiyi nazirliyin struktur bölmələri və fəaliyyəti haqqında ətraflı məlumat verərək tərəflər arasında əməkdaşlıq imkanlarını yüksək qiymətləndirdiyini bildirmişdir.
Səfir də öz növbəsində bu sahədə Azərbaycan ilə əlaqələrin inkişaf etdirilməsində maraqlı olduqlarını vurğulamışdır.
Görüşdə tərəfləri maraqlandıran digər məsələlər ətrafinda geniş fikir mübadiləsi aparılmışdır.

AzərTAc