Gənclər və İdman Nazirliyinin dəvəti ilə Avropa Gənclər Kartı Assosiasiyasının İdarəetmə Heyətinin prezidenti Jarkko Lehikoinen avqustun 22-də Azərbaycana səfər edəcəkdir.
Nazirlikdən bildirmişlər ki, səfərin məqsədi Avropa Gənclər Kartının Azərbaycanda inkişaf potensialını, "Azərbaycan gəncliyi 2011-2015-ci illərdə" Dövlət Proqramına əsasən, "Azərbaycan Tələbə Kartı"nın tətbiqi və gənclərin vahid beynəlxalq güzəştli kartlar sisteminə qoşulması məsələlərini müzakirə etməkdir.
Səfər iki gün davam edəcəkdir.
Azərbaycan Avropa Gənclər Kartı Assosiasiyasına 2010-cu ilin martında qoşulmuşdur. Avropa Gənclər Kartı 80 min xidmət növünə endirim və güzəştlərdən yararlanmağa imkan verən sistemdir. Hazırda kartın 4 milyondan çox istifadəçisi vardır.
AzərTAc{nl}