Ədliyyə orqanlarına işə qəbul üzrə Müsabiqə Komissiyasından bildirmişlər ki, müsabiqədə iştirak edən namizədlərlə test imtahanı Tələbə Qəbulu üzrə Dövlət Komissiyası ilə birgə mayın 22-də saat 10.00-da Bakı Dövlət Universitetinin yeni tədris binasında, Bakı şəhəri, Z.Xəlilov küçəsi 23 ünvanında keçiriləcəkdir.
Prosedur qaydalarının təmin olunması üçün namizədlər imtahanın başlanmasına azı bir saat qalmış gəlməlidirlər.
Namizədlər "İmtahana buraxılış vərəqəsi"ni mayın 20-dən etibarən şəxsiyyət vəsiqəsini təqdim etməklə saat 9-dan 18-dək Azərbaycan Respublikası Ədliyyə Nazirliyinin inzibati binasında (Bakı şəhəri, İnşaatçılar prospekti 1) götürməlidirlər.
İmtahana gələn namizədlər "İmtahana buraxılış vərəqəsi"ni və şəxsiyyət vəsiqəsini mütləq gətirməlidirlər. Göstərilən sənədlərdən biri təqdim edilmədikdə namizəd imtahana buraxılmayacaqdır.
Əlavə məlumatları, o cümlədən imtahan suallarının hazırlanmasında istifadə edilmiş normativ hüquqi aktlara və sair sənədlərə dair məlumatı Ədliyyə Nazirliyinin internet səhifəsindən www.justice.gov.az və 430-01-18, 430-11-05 nömrəli telefonlarla əldə etmək olar.

AzərTAc