Türkiyə Prezidenti Abdullah Gül və Rusiya Prezidenti Dmitri Medvedyev Ermənistan-Azərbaycan, Dağlıq Qarabağ problemini müzakirə edəcəklər.
AzərTAc Türkiyənin "Zaman" qəzetinə istinadla xəbər verir ki,
A.Gül sentyabrın 7-8-də Yaroslavl şəhərində keçiriləcək Qlobal Siyasi Forumda iştirak etmək üçün Rusiyaya səfər edəcəkdir.
Prezident Dmitri Medvedevin rəhbərliyi ilə keçiriləcək Foruma müxtəlif ölkələrdən 500-dən çox nümayəndə, o cümlədən Almaniya kansleri Angela Merkel və Latviyanın sabiq prezidenti Valdis Zatlers da qatılacaqlar.
Türkiyə və Rusiya prezidentlərinin görüşündə Ermənistan-Azərbaycan, Dağlıq Qarabağ münaqişəsi ilə yanaşı, İranın nüvə proqramı, Əfqanıstan, İraq, Liviya, Misir və Suriyadakı vəziyyət də müzakirə olunacaqdır.