AzərTAc Türkiyənin Xarici İşlər Nazirliyinin saytına istinadla xəbər verir ki, avqustun 17-də İstanbulda İslam Əməkdaşlığı Təşkilatının (İƏT) üzvü olan ölkələrin xarici işlər nazirlərinin fövqəladə iclası keçiriləcəkdir.
İclas Somali hökumətinin çağırışı və Türkiyənin xarici işlər naziri Əhməd Davudoğlunun dəvəti ilə reallaşacaqdır.
Somali Prezidenti Şeyx Şərifin, İƏT-in baş katibi Ekmələddin İhsanoğlunun da qatılacağı iclasda 57 müsəlman ölkəsinin təmsilçisi fəlakət bölgəsinə yardımların göstərilməsi məsələsini müzakirə edəcəklər.
Qeyd edək ki, Somalidə yaranmış qida böhranı ilə əlaqədar Azərbaycan, Türkiyə, İran və bir sıra İƏT-in üzvü olan ölkələr yardım kampaniyasına başlamışlar.