Ermənistan silahlı qüvvələrinin bölmələri avqustun 12-də saat 18.15-dən 18.40-dək Krasnoselsk rayonunun ərazisindəki adsız yüksəkliklərdə yerləşən mövqelərdən Gədəbəy rayonunun ərazisindəki adsız yüksəkliklərdə yerləşən mövqelərimizi, saat 16.50-dən 17.05-dək Goranboy rayonunun Tapqaraqoyunlu kəndi yaxınlığında yerləşən Azərbaycan Ordusunun mövqelərini atəşə tutmuşlar.
Ermənilər avqustun 13-də saat 00.00-dan 00.05-dək Füzuli rayonunun Aşağı Seyidəhmədli kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Müdafiə Nazirliyinin mətbuat xidmətindən bildirmişlər ki, düşmən cavab atəşi ilə susdurulmuşdur.
AzərTAc{nl}