Avqustun axırında Bakıda "Xaricdə Təhsil Alan və Məzun olmuş Azərbaycanlı Gənclərin Beynəlxalq Forumu"nun (ASAİF) IX forumu keçiriləcək.  
Budəfəki forumu fərqləndirən cəhətlərdən biri ondan ibarətdir ki, burada əsas müzakirələr dörd panel üzrə internet və sosial şəbəkələr (Facebook, Twitter, bloqlar və s.) ətrafında aparılacaq. Bu barədə 1news-a müsahibəsində ASAİF-in sədri Orxan Əkbərov bildirib. "Gizli deyil ki, bizim əsr internet əsri hesab olunur. Və bu forumun əsas məqsədi gənclərimizə informasiya müharibəsində layiqli lider mövqelərini tutmağa kömək etməkdir", - deyə O. Əkbərov qeyd edib. Onun sözlərinə görə, forumda həmçinin təşkilatın yeni saytının təqdimatı olacaq. Qeyd edək ki, tədbirə avqustun 26-da start veriləcəyi nəzərdə tutulub.

M.MÜKƏRRƏMOĞLU, "Xalq qəzeti"