Heydər Əliyev Fondunun təşkil etdiyi Qəbələ III Beynəlxalq Musiqi Festivalının iştirakçısı, "İntibah-2010" Beynəlxalq Musiqi Festivalının "Qran-pri"sinə və "Qızıl Şelkunçik" mükafatına layiq görülmüş Gürcüstanın gənc violonçel ifaçısı Lizi Ramişvili müsahibəsində tədbirin çox yüksək səviyyədə təşkil edildiyini bildirmişdir.
Bu festivalda ilk dəfədir iştirak edirəm. Açığını deyim ki, Qəbələ festivalının bu qədər yüksək səviyyəli bir tədbir olduğunu bilmirdim. Burada 20 gün ərzində dünyanın məşhur musiqiçiləri bir araya gəldilər. Onlarla bir səhnədə çıxış etmək böyük şərəfdir. Bu baxımdan bir az həyəcanlı idim. Artıq festival başa çatsa da, bu möhtəşəm musiqi bayramının xoş təəssüratlarını yaşayıram. Bu gözəl musiqi bayramında iştirakımdan məmnunam. Festivala bu qədər insanın qatılması böyük uğurdur.
Qəbələ Bakıdan uzaqda yerləşsə də, son günədək konsertlərə paytaxtdan və bölgələrdən xeyli sayda musiqisevər qatıldı. Bu da heç şübhəsiz ki, festivalın yüksək səviyyədə təşkilinin və keyfiyyətinin göstəricisidir.

AzərTAc