Azərbaycan Respublikasının Macarıstandakı səfirliyinin təşəbbüsü ilə hüquq elmləri doktoru Namiq Əliyevin "Beynəlxalq hüquq və Dağlıq Qarabağ münaqişəsi" kitabı Macarıstan EA-nın "Akaprint" nəşriyyatı tərəfindən macar dilində çap edilmişdir. 
Kitabda mövcud beynəlxalq hüququn norma və prinsipləri əsasında ermənilərin tarixi Azərbaycan torpağı olan Dağlıq Qarabağa iddialarının əsassızlığı inandırıcı şəkildə sübuta yetirilmişdir.
Azərbaycanın Macarıstandakı səfiri Vilayət Quliyevin kitaba yazdığı müqəddimədə macar oxuculara Dağlıq Qarabağ münaqişəsinin mahiyyəti və Ermənistanın Azərbaycana münasibətdə yürütdüyü işğalçı siyasəti haqqında məlumat verilmişdir. "Beynəlxalq hüquq və Dağlıq Qarabağ münaqişəsi" kitabı Macarıstan Xarici İşlər Nazirliyinin əməkdaşları və Macarıstan parlamentinin üzvləri, media nümayəndələri, universitet müəllim və tələbələri arasında yayılmış, ölkənin bütün əsas kitabxanalarına hədiyyə edilmişdir.

Pərvanə QARAYEVA, AzərTAc-ın xüsusi müxbiri
Budapeşt