Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, yay fəslinin son ayı olan avqustda havanın orta aylıq temperaturunun iqlim normasından bir qədər yüksək olacağı gözlənilir.
Ay ərzində yağıntıların respublika ərazisində qeyri-bərabər paylanması gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı ehtimal olunur.
Birinci ongünlüyün ortalarında arabir güclənən şimal küləyinin üstünlüyü temperaturun ötən günlərə nisbətən aşağı enəcəyinə və norma daxilində tərəddüd edəcəyinə səbəb olacaq.
Sinoptiklərin verdikləri proqnoza əsasən avqust ayında Bakıda və Abşeron yarımadasında havanın orta aylıq temperaturunun 27-28 dərəcə isti olacağı gözlənilir ki, bu da iqlim normasından 1-2 dərəcə yüksəkdir.Gecələr 19-24 dərəcə isti təşkil edəcək.Gündüzlər 30-35 dərəcə isti olacağı, ayrı-ayrı günlərdə 38-40 dərəcəyədək yüksələcəyi gözlənilir.
Aylıq yağıntının miqdarının iqlim normasına yaxın (norma 6-10mm) olacağı gözlənilir.

Qəzənfər QASIMOV, "Xalq qəzeti"