Ermənistan silahlı qüvvələrinin bölmələri iyulun 27-də saat 12.30-dan 12.40-dək Goranboy rayonunun Tapqaraqoyunlu kəndi yaxınlığında yerləşən mövqelərdən Azərbaycan Silahlı Qüvvələrinin mövqelərini atəşə tutmuşlar.  
Müdafiə Nazirliyinin mətbuat xidmətindən bildirmişlər ki, erməni tərəfi atəşkəsi iyulun 28-də də pozmuşdur.
Ermənistan silahlı birləşmələrinin bölmələri iyulun 28-də saat 03.35-dən 03.40-dək Cəbrayıl rayonunun ərazisindəki adsız yüksəkliklərdə yerləşən mövqelərdən, saat 00.40-dan 00.50-dək, 03.35-dən 03.40-dək və 03.32-dən 03.40-dək Füzuli rayonunun Aşağı Əbdülrəhmanlı, Horadiz və Qorqan kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.

AzərTAc