Bakıda səfərdə olan YUNİSEF-in Mərkəzi və Şərqi Avropa, Müstəqil Dövlətlər Birliyi ölkələri üzrə regional direktoru Stiven Allen müsahibəsində yeni vəzifəyə təyin olunmasından sonra Azərbaycana ilk dəfə səfər etdiyini bildirmişdir.
Stiven Allen demişdir: "Dünən, səfərimin ilk günündə "İntizar" operasının tamaşasında oldum. Bu gündən başlayaraq dövlət və hökumət rəsmiləri ilə keçirəcəyim görüşlərdə Azərbaycanda uşaqların durumu ilə bağlı məsələləri daha dərindən təhlil edib bu sahədəki vəziyyət ilə yaxından tanış olmağı planlaşdırıram.
Bu səfər çox yerinə düşür. İyun ayında YUNİSEF-in İcraçı Şurasında Azərbaycan ilə bağlı proqram nəzərdən keçiriləcək və növbəti dövr üçün əməkdaşlığa dair sənəd təsdiq olunacaqdır. Ölkənizə səfərim çərçivəsində əldə edəcəyim məlumatlardan həmin proqramın İcraçı Şuraya təqdim edilməsində istifadə edəcəyəm".{nl}