Azərbaycan Respublikası Dövlət Sərhəd Xidmətinin (DSX) Akademiyasına qəbul olunmaq istəyən abituriyentlər üçün müsabiqə keçirilir.
Tələbə Qəbulu üzrə Dövlət Komissiyasından (TQDK) bildirmişlər ki, TQDK Azərbaycan Respublikası Dövlət Sərhəd Xidmətinin rəsmi müraciətinə əsasən, DSX Akademiyasının aşağıda qeyd olunan ixtisasları üzrə əlavə müsabiqə elan edir: Gəmiçilik və gəmilərin hərəkətinin idarə edilməsi (I qrup üzrə), uçuş mühəndisliyi (I qrup üzrə), dövlət və bələdiyyə idarəetməsi (II qrup üzrə).
Müsabiqədə 2011/2012-ci tədris ili üçün mülki ali təhsil müəssisələrinə I və II ixtisas qrupu üzrə qəbul imtahanlarında 200 və daha yüksək bal toplamış (riyaziyyat fənni üzrə nisbi balı 10-dan az olmayan) oğlan abituriyentlər iştirak edə bilərlər.
Müsabiqədə iştirak etmək istəyənlər iyulun 28-dən avqustun 5-dək Dövlət Sərhəd Xidmətində yaradılmış sənəd qəbulu komissiyasına müraciət etməlidirlər.

AzərTAc