Avqustun 1-də mübarək Ramazan ayı başlayır. 
Qafqaz Müsəlmanları İdarəsindən bildirmişlər ki, on bir ayın sultanı hesab olunan Ramazan ayı bu il avqustun 1-dən 29-dək davam edəcəkdir. İyulun 31-i Orucluğun niyyət axşamıdır. Ramazan bayramı isə Şəvval hilalının görünməsindən asılı olaraq, avqustun 30-u və ya 31-nə təsadüf edəcəkdir.
Hicri təqvimin ayları içərisində Ramazan ayının məxsusi yeri vardır. Müqəddəs Qurani-Kərim bu ayda nazil olmuşdur. Bütün insanları birləşdirən, qardaşlıq, dostluq əlaqələrini möhkəmləndirən Ramazan bayramı əsrlərlə xalqımızın qəlbində yaşamışdır, amma rəsmi bayram kimi Azərbaycan müstəqillik əldə etdikdən sonra qeyd olunur. Bu, xalqımızın mənəvi dəyərlərinə dövlət qayğısının nəticəsidir.

AzərTAc