Misir Ərəb Respublikası Qafqaz regionunun təhlükəsizlik və sabitliyinə böyük maraq göstərir və münaqişənin beynəlxalq hüquq prinsipləri və beynəlxalq qanunlar çərçivəsində sülh yolu ilə həll olunmasının vacibliyinə dair öz mövqeyini bir daha təsdiq edir.
Bu barədə Misirin Azərbaycandakı səfirliyinin yaydığı məlumatda bildirilmişdir.
Məlumatda qeyd edilmişdir ki, Misir Ermənistan-Azərbaycan, Dağlıq Qarabağ münaqişəsinin həlli yolunda görülən bütün cəhdləri, xüsusilə də ATƏT-in Minsk qrupunun cəhdlərini diqqətlə izləyir. Misir Ərəb Respublikası eyni zamanda münaqişənin həll olunması üçün göstərilən cəhdlərin müvəffəqiyyətli olacağına və BMT-nin Təhlükəsizlik Şurasının müvafiq qətnamələrinə uyğun olaraq sülhə nail olunacağına ümid bəsləyir.

AzərTAc