Qəbələdə Böyük Vətən müharibəsində qələbənin 65-ci ildönümünə həsr olunmuş tədbir keçirilmişdir.
Bayram tədbiri Böyük Vətən müharibəsində həlak olan həmyerlilərimizin xatirəsinə ucaldılan və əsaslı təmir edilən "Ana" abidələr kompleksinin önünə müharibə veteranları və ictimaiyyət tərəfindən gül dəstələrinin qoyulması ilə başlanmışdır.
Mərasimdə 1941-1945-ci illərdə müharibədə iştirak edən döyüşçülər çıxış etmişlər.Veteranlardan Fətulla Alməmmədova "Slavuta" markalı minik avtomaşını, 9 may günü 90 yaşı tamam olan Ziyəddin Yusifova qiymətli hədiyyər verilmişdir.
Bayram şənliyi "Qəbələ" otelinin banket zalında davam etdirilmişdir.
Tədbirdə Milli Məclisin deputatı Fəttah Heydərov cıxış edərək müharibə illərinin ağrılarından, çətin sınaqlardan çıxmış insanlara ölkəmizdə göstərilən qayğıdan danışmışdır.

İlqar HƏSƏNOV, "Xalq qəzeti"nin bölgə müxbiri{nl}