Qafqaz Müsəlmanları İdarəsinin sədri şeyxülislam Allahşükür Paşazadənin başçılıq etdiyi nümayəndə heyəti Türkiyə Diyanət İşləri Başkanlığının dəvəti ilə Ankarada səfərdədir.
Səfər çərçivəsində Allahşükür Paşazadə Türkiyə Böyük Millət Məclisinin sədri Cəmil Çiçəklə görüşmüşdür.
Qafqaz Müsəlmanları İdarəsinin sədri Cəmil Çiçəyi Türkiyə parlamentinin spikeri seçilməsi münasibətilə təbrik etmiş, gələcək fəaliyyətində uğurlar diləmişdir. Türkiyə Böyük Millət Məclisinin sədrinə Bakının mənzərəsi olan tablo hədiyyə edilmişdir.
Mətbuat üçün qapalı davam edən görüşdə Azərbaycanın Türkiyədəki səfiri Faiq Bağırov, Azərbaycan Milli Məclisinin deputatları Fəttah Heydərov, Hüseynbala Mirələmov və digər rəsmi şəxslər iştirak etmişlər.{nl}

Oqtay BAYRAMOV AzərTAc-ın xüsusi müxbiri
Ankara