Ümummilli lider Heydər Əliyevin Azərbaycanda siyasi hakimiyyətə gəlməsinin 42-ci ildönümü münasibətilə iyulun 14-də Naxçıvan şəhərindəki Heydər Əliyev Sarayında konsert olmuşdur.
Mərasimdə iştirak edən Naxçıvan Muxtar Respublikası Ali Məclisinin sədri Vasif Talıbov konsertdən sonra ifaçıları uğurlu çıxışa görə təbrik edərək demişdir ki, bu gün ifa olunan milli musiqi nümunələri Azərbaycan mədəniyyətinin zəngin ənənələrə malik olduğunu bir daha göstərdi. Bu gün - iyulun 14-ü ümummilli lider Heydər Əliyevin Azərbaycanda hakimiyyətə gəlməsinin 42-ci ildönümüdür. O illərdən başlanan inkişaf strategiyası olmasaydı, bugünkü müstəqil Azərbaycan da olmazdı, zəngin tarixə malik mədəniyyətimiz inkişaf edərək hazırkı səviyyəyə gəlib çata bilməzdi.