Jurnalistlər üçün tikiləcək binanın təməlqoyma mərasimi olacaqdır. 
Bunu Azərbaycan Respublikası Prezidenti yanında Kütləvi İnformasiya Vasitələrinə Dövlət Dəstəyi Fondunun icraçı direktoru Vüqar Səfərli bildirmişdir.
V.Səfərli jurnalistlər üçün tikiləcək yaşayış binasının təməlqoyma mərasiminin 22 iyul - Milli Mətbuat Günündə keçirilməsinin planlaşdırıldığını diqqətə çatdırmışdır: "Burada texniki məsələlər vardır. Ola bilər ki, iyulun 22-də və ya iyulun sonuna qədər təməlqoyma mərasimi keçirilsin".
V.Səfərli layihənin artıq təsdiq edildiyini, binanın iki bloklu, 18 mərtəbəli, mənzillərin isə 2 və 3 otaqlı olacağını vurğulamışdır.