Dünyanın ən məşhur iqtisadi dərgilərindən olan "Forbes" dünyanın ən pis 10 milli iqtisadiyyatının reytinqini açıqlayıb. Reytinqə Madaqaskar başçılıq edir. Reytinqə əsasən, dünyanın ikinci ən pis iqtisadiyyatı Ermənistana məxsusdur. Sonrakı mövqelərdə müvafiq olaraq Qvineya, Yamayka, Venesuela, Qırğızıstan, Svazilend, Nikaraqua və İran yer alıb. 
"Forbes"in reytinq üzrə şərhində deyilir ki, Ermənistan hələ də maliyyə böhranından çıxa bilmir, ölkədə ÜDM-in azalması, inflyasiyanın artması müşahidə olunur, ÜDM-in adambaşına həcmi 3 min dollardan azdır. Madaqaskar barəsində isə şərhdə bildirilir ki, bu ölkədə həmin göstərici cəmi 387 dollar təşkil edir. Qeyd edək ki, reytinq 2010-2012-ci illər üzrə real və proqnozlaşdırılan əsas makroiqtisadi göstəricilər əsasında tərtib olunmuşdur.