"Azərbaycan və türk diaspor təşkilatları arasında sıx əməkdaşlığın qurulması önəmli məsələdir. Artıq bu istiqamətdə əhəmiyyətli addımlar atılıb". Bu fikri Milli Məclisin mədəniyyət komitəsinin sədri, Azərbaycan - Türkiyə parlamentlərarası dostluq qrupunun rəhbəri Nizami Cəfərov deyib.
N.Cəfərov bildirib ki, Dünya Azərbaycanlılarının 3-cü Qurultayında da bu məsələnin əhəmiyyəti xüsusi vurğulanıb. Onun sözlərinə görə, hər iki diasporun sıx birliyi xarici dövlətlərdə mövqelərimizin gücləndirilməsinə daha mühüm təsir edə bilər: "Son dövrlər türk birliyinin gücləndirilməsi istiqamətində mühüm addımlar atılır. Qloballaşan dünyada türk xalqlarının birliyinin güclənməsi olduqca aktualdır. Bu baxımdan türk dövlətlərinin və diaspor təşkilatlarının qarşılıqlı münasibətlərinin gücləndirilməsi istiqamətində atılan addımlar önəmlidir".