Müdafiə Nazirliyinin mətbuat xidmətindən AzərTAc-a bildirmişlər ki, hərbi çağırış sistemində təkmilləşdirmə işlərinin aparılması istiqamətində ədalətlilik və şəffaflıq prinsiplərinin qorunması, mənfi halların qarşısının dərhal aradan qaldırılması məqsədi ilə nazirliyin təşkilat səfərbərlik idarəsində "qaynar xətt" yaradılmışdır. 
Həmçinin çağırışçıların hansı qoşun növünə və hərbi hissəyə düşdüyünü öyrənmək istəyən valideynlər və onların yaxınları "qaynar xətt"ə 538-61-10, 539-90-28, 539-23-55 nömrəli telefonlarla zəng edə bilərlər.
Şikayəti və ya hər hansı narazılığı olan vətəndaşlardan isə nazirliyin tərbiyə işləri idarəsinin nəzdində fəaliyyət göstərən "etimad xətti"nin 538-61-31, 538-61-74, 539-23-76 nömrəli telefonlarına zəng etmələri xahiş olunur.

AzərTAc