"Hazırda pensiyaların yenidən hesablanması prosesi davam edir və iyulun sonuna qədər ölkə üzrə bütün pensiyaçıların 90 faizə qədərinin pensiya işləri ilə bizim elektron bazadakı məlumatları üzləşdirə biləcəyik". "Azadinform"un xəbərinə görə, bu barədə jurnalistlərə açıqlamasında Dövlət Sosial Müdafiə Fondunun sədri Səlim Müslümov deyib.
Onun sözlərinə görə, təxminən 10 faiz pensiyaçı ilə əlaqədar bu proses başa çatdırılmaya bilər: "O zaman həmin şəxslərin artırılmış pensiyalarını bazadakı məlumatlar əsasında ödəyəcəyik. Amma proses davam edəcək, əgər baza ilə həmin 10 faizin pensiyaları arasında fərqlər aşkar olunarsa, o fərqləri aradan qaldırıb ödənişi avqust ayında təmin edəcəyik".
S.Müslümov bildirib ki, hazırda Bakı, Abşeron və Sumqayıtda yenidən hesablanma başa çatıb və ölkənin digər rayonlarında bu proses gedir: "İlk növbədə respublika əhəmiyyətli şəhərləri və qaçqın və məcburi köçkün rayonlarını əhatə edəcəyik".