Bakı Şəhər İcra Hakimiyyəti paytaxtın sakinlərini və qonaqlarını mayın 10-da xalqımızın dahi oğlu, müstəqil dövlətimizin banisi və qurucusu, ümummilli liderimiz Heydər Əliyevin anadan olmasının 87-ci ildönümü münasibətilə füsunkar Gül bayramına, incəsənət ustalarının konsertinə və möhtəşəm atəşfəşanlığa tamaşa etməyə dəvət edir.
Ecazkar Gül bayramı saat 11-dən 20-dək Heydər Əliyev Parkında (Heydər Əliyev Sarayının qarşısı) keçiriləcəkdir. Axşam saat 21-dən isə Milli Parkda, Saat qülləsinin yanında incəsənət ustalarının iştirakı ilə rəngarəng bayram konserti və saat 23-də möhtəşəm atəşfəşanlıq təşkil olunacaqdır.
Bakı Şəhər İcra Hakimiyyəti paytaxt sakinlərini və şəhərimizin qonaqlarını gözəl bayram münasibətilə ürəkdən təbrik edir, bayram şənliklərini və möhtəşəm atəşfəşanlığı seyr etməyə dəvət edir.
AzərTAc