Türkdilli ölkələrin dövlət başçılarının növbəti zirvə görüşü bu ilin sentyabrında Qazaxıstanın Almatı şəhərində keçiriləcəkdir.
Türkdilli Ölkələrin Əməkdaşlıq Şurasının baş katibi Xəlil Akıncı jurnalistlərə bildirmişdir ki, bu zirvə görüşünə hazırlıq məsələləri Qazaxıstanın xarici işlər naziri Yerjan Kazıxanovla keçirilmiş görüşdə müzakirə olunmuşdur.
Türkiyəni zirvə görüşündə Prezident Abdullah Gül və xarici işlər naziri təmsil edəcəklər.
Almatı zirvə görüşündə dövlət və hökumət başçıları türkdilli ölkələr arasında müxtəlif sahələrdə əməkdaşlığın hazırkı vəziyyəti və perspektivləri ətrafında fikir mübadiləsi aparacaq, mühüm qərarlar qəbul edəcəklər.