"Ermənistan rəhbərliyi reallıqlara əsaslanan qərar verməyə özündə güc tapa bilmədi. Kazan görüşünün nəticəsiz başa çatması həm Ermənistanın vəziyyətinə, həm də Rusiyanın bölgədəki maraqlarına mənfi təsir göstərir".
Bu fikirləri Milli Məclisin deputatı, politoloq Rasim Musabəyov demişdir.
R.Musabəyov bildirmişdir ki, bundan sonra Azərbaycan Ermənistanı iqtisadi cəhətdən taqətdən salmaq yönündəki" siyasətini davam etdirəcək. Onun fikrincə, görüşün nəticəsiz başa çatması cəbhə xəttində vəziyyətin gərginləşəcəyini də istisna etmir.
"Rusiyanın da Azərbaycanda konkret maraqları var. Amma Kazan görüşünün nəticəsiz başa çatması ona gətirib çıxaracaq ki, Rusiya onu maraqlandıran bəzi məsələlərdə Azərbaycanla hesablaşsın"- deyə politoloq vurğulamışdır.