ABŞ dövlət katibinin hərbi-siyasi məsələlər üzrə köməkçisi Endrü C.Şapiro Azərbaycana gələcəkdir. 
AzərTAc ABŞ Dövlət Departamentinin saytına istinadla xəbər verir ki, E.C.Şapiro iyunun 24-də təhlükəsizlik məsələlərinə dair Bakıda aparılacaq Amerika-Azərbaycan danışıqlarında Birləşmiş Ştatların nümayəndə heyətinə başçılıq edəcəkdir. Beynəlxalq təhlükəsizlik məsələlərinə həsr ediləcək müzakirələr dənizdə təhlükəsizlik, terrorizmə qarşı mübarizə, sərhədlərin təhlükəsizliyi və digər sahələrdə ikitərəfli əməkdaşlığın möhkəmləndirilməsinə istiqamətlənəcəkdir.
Bundan əlavə, E.C.Şapiro səfər çərçivəsində ölkəmizin yüksək vəzifəli mülki və hərbi məmurları ilə görüşəcəkdir. Bu görüşlərdə təhlükəsizlik sahəsində ən aktual təhdidlərlə bağlı diplomatik təşəbbüslər müzakirə olunacaqdır.