Müdafiə Nazirliyinin mətbuat xidmətindən bildirmişlər ki, Ermənistan silahlı qüvvələrinin bölmələri iyunun 17-də saat 20.45-dən 21.00-dək Göygöl rayonunun ərazisindəki adsız yüksəkliklərdə, saat 23.45-dən 23.50-dək və 23.55-dən 00.55-dək Füzuli rayonunun Aşağı Seyidəhmədli və Qaraxanbəyli, saat 17.20-dən 17.22-dək, 22.45-dən 22.55-dək, iyunun 18-də saat 00.50-dən 1.10-dək və 2.20-dən 2.30-dək Ağdam rayonunun Cəvahirli və Qaraqaşlı, saat 2.45-dən 3.00-dək Goranboy rayonunun Tapqaraqoyunlu kəndləri yaxınlığında yerləşən mövqelərdən, saat 1.20-dən 1.35-dək Ermənistanın İcevan rayonunun Vozaşen və Ayqovit kəndlərində yerləşən mövqelərdən Qazax rayonunun ərazisindəki adsız yüksəkliklərdə və Bala Cəfərli kəndində yerləşən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.