TRASEKA Hökumətlərarası Komissiyasının Azərbaycan üzrə milli katibi Akif Mustafayev Bakıda keçirilən I Beynəlxalq nəqliyyat konfransında bildirmişdir ki, Bakı-Tbilisi-Qars dəmir yolunun yeni sahəsi tikiləndən sonra Asiya ilə Azərbaycan arasında nəqliyyat yolu 600 kilometr qısalacaqdır.
Bu tikinti TRASEKA dəhlizi vasitəsilə tranzit daşımaların səmərəsini və bu dəhlizin rəqabət qabiliyyətini də artıracaqdır.
A.Mustafayev konfransda Azərbaycan üzrə hesabatla çıxış etmişdir. O, nəqliyyat infrastrukturunun davamlı inkişafı, regional nəqliyyat şəbəkələrinin inkişafı, dəmir yol və dəniz magistrallarının inkişaf perspektivləri ilə bağlı bir sıra məsələlərə də toxunmuşdur.

AzərTAc