TRASEKA Hökumətlərarası Komissiyasının Azərbaycan üzrə milli katibi Akif Mustafayev I Beynəlxalq Nəqliyyat Konfransında bildirmişdir ki, Ələt qəsəbəsində tikilən yeni Beynəlxalq dəniz ticarət limanında gələcəkdə hər il 11,6 milyon ton yük qəbul ediləcək və emal ediləcəkdir.
Akif Mustafayev limanların modernləşdirilməsi mövzusuna toxunaraq TRASEKA layihəsinin iştirakçısı olan ölkələrin nümayəndələrinə Azərbaycan hökumətinin Ələt qəsəbəsində beynəlxalq standartlar səviyyəsində yeni beynəlxalq dəniz ticarət limanı tikməyi planlaşdırmasını bildirmişdir. 2015-ci ildə bu limanda 11,6 milyon ton yükün qəbul edilməsi və emal edilməsi nəzərdə tutulur. Yeni liman gələcəkdə Böyük İpək Yolunun müasir qapıları rolunu oynaya bilər.
TRASEKA Hökumətlərarası Komissiyasının Azərbaycan üzrə milli katibinin sözlərinə görə, bu hesabat 2015-ci ilə qədər olan dövrdə Avropa-Qafqaz-Asiya beynəlxalq nəqliyyat dəhlizinin inkişafı üzrə TRASEKA strategiyasının həyata keçirilməsi ilə bağlı 2011-2015-ci illər üçün fəaliyyət planında müəyyən olunmuş vəzifələrin Azərbaycan tərəfindən uğurla yerinə yetirilməsinə dəlalət edir.