Milli Qurtuluş Günü münasibətilə Astarada ümumrayon tədbiri keçirilmişdir.
Tədbir iştirakçıları əvvəlcə ulu öndər Heydər Əliyevin abidəsini ziyarət etmiş, önünə əklil və tər gül dəstələri qoymuşlar.
Mərasimdə Azərbaycan Respublikasının Dövlət Himni səsləndirilmiş, ulu öndər Heydər Əliyevin xatirəsi bir dəqiqəlik sükutla yad edilmişdir.
Rayon icra hakimiyyətinin başçısı Taleh Qaraşov 15 İyun - Milli Qurtuluş Gününün tarixi əhəmiyyəti, ümummilli lider Heydər Əliyevin hakimiyyətə qayıdışının xalqımızın taleyində böyük rolu barədə məlumat vermişdir. Qeyd olunmuşdur ki, məhz 15 iyun 1993-cü ildə Heydər Əliyevin Ali Sovetə sədr seçilməsi ilə Azərbaycanın dövlət müstəqilliyi qorunub möhkəmlənməyə başlamışdır.
Tədbirdə çıxış edənlər Milli Qurtuluş Günü münasibətilə ən xoş arzularını və təbriklərini çatdırmışlar.
Rayon mərkəzindəki Heydər Əliyev parkında bayram münasibətilə respublika incəsənət ustalarının iştirakı ilə böyük bayram konserti olmuşdur.
Tədbir bir neçə saat davam etmiş və atəşfəşanlıqla başa çatmışdır.

Ə.ƏLİYEV , "Xalq qəzeti"