Mayın 6-da Azərbaycan Dillər Universitetində (ADU) Şuşanın işğalının 18-ci ildönümü ilə əlaqədar anma mərasimi keçirilmişdir.
ADU-dan bildirmişlər ki, universitetin professor-müəllim heyəti və tələbələrinin iştirak etdikləri tədbir Azərbaycan Respublikasının dövlət himninin səsləndirilməsi ilə başlamışdır.
Mərasimdə şəhidlərin xatirəsi yad edilmiş, Şuşa haqqında film nümayiş olunmuşdur.
ADU-nun tələbələri vətənpərvərlik ruhlu şeirlər söyləmişlər. Tələbələr eyni zamanda, tədbirdə səhnəcik də nümayiş etdirmişlər. Səhnəcik vasitəsilə tələbələr xain qonşularımızın "mənəvi" dünyalarını və iç üzlərini göstərərək, bir erməninin qəlbində nəinki sevgiyə, heç mərhəmətə belə yer olmadığını tədbir iştirakçılarının nəzərinə çatdırmışlar.
Tədbirin sonunda ADU-nun tərbiyə işləri üzrə prorektoru Ələddin Əliyev anma mərasiminin yüksək səviyyədə təşkili üçün tələbələrə və xarici ölkələr ədəbiyyatı kafedrasının müdiri, professor Svetlana Cəbrayılovaya təşəkkürünü bildirmişdir.