Nəqliyyat Nazirliyindən bildirmişlər ki, sərnişindaşımada təhlükəsizlik tədbirlərinin gücləndirilməsi məqsədi ilə bu il mayın 6-dan etibarən Bakı Beynəlxalq və Şəhərlərarası Avtovağzalından həm beynəlxalq, həm də şəhərlərarası istiqamətlərdə uzaq məsafələrə yola düşən avtobusların hərəkət cədvəlində dəyişiklik edilmişdir.
Dəyişikliklərə əsasən, gecə saatlarında avtobusların Bakıya doğru və əks istiqamətdə hərəkətinə qadağa qoyulur. Saat 01.00-dan 06.00-dək sürücülərin istirahət vaxtı kimi müəyyənləşdirilir. Bakıdan müxtəlif istiqamətlərə gedən avtobusların yoladüşmə vaxtı saat 17.00-dan sonra məhdudlaşdırılır.
Nəqliyyat Nazirliyi sürücüləri və sərnişinləri ehtiyatlı olmağa və vəziyyəti düzgün qiymətləndirməyə çağırır. Çünki atılan addımlar yalnız vətəndaşların təhlükəsizliyi məqsədini daşıyır.
AzərTAc{nl}