Özbəkistanın müdafiə naziri, general-mayor Kabul Berdiyevin başçılıq etdiyi nümayəndə heyəti Azərbaycana səfəri çərçivəsində iyunun 14-də Müdafiə Sənayesi Nazirliyinin (MSN) Elektron Hesablayıcı Maşınlar Zavodunda olmuşdur.  
MSN-in mətbuat xidmətindən bildirmişlər ki, qonaqlara Elektron Hesablayıcı Maşınlar Zavodunun fəaliyyəti ilə bağlı geniş məlumat verilmişdir.
Özbəkistan nümayəndə heyəti zavodda zirehli texnikaların istehsal prosesini izləmişlər. Sonra nazirliyin müəssisələrində istehsal olunan müdafiə təyinatlı məmulatların sərgisinə baxış olmuşdur.
Qonaqlar nazirliyin "Şərq" İstehsalat Birliyinin "AZAD Systems Co." müəssisəsində pilotsuz uçan aparatların istehsal prosesini də izləmiş, Bakı "Cihazqayırma" zavodunda modernizasiya edilən zirehli maşınlara baxmışlar.

AzərTAc