Diasporla İş üzrə Dövlət Komitəsi Türkiyədə keçirilən parlament seçkilərində üç nəfər Azərbaycan mənşəli Türkiyə vətəndaşının qalib gələrək Türkiyə Böyük Millət Məclisinə deputat seçilməsi ilə bağlı məlumat yayıb. 
DİDK-dən "Azadinform"a verilən məlumata görə, bunlar Milliyyətçi Hərəkat Partiyasının (MHP) İqdır millət vəkilliyinə namizədi Sinan Oğan, əslən İqdırdan olan, İstanbuldan deputat seçilən Cümhuriyyət Xalq Partiyasının (CHP) nümayəndəsi Əli Özgündüz və namizədliyi Ədalət və İnkişaf Partiyasından (AKP) irəli sürülmüş Hacı Bayram Türkoğludur.
Hataydan deputat seçilən AKP nümayəndəsi Hacı Bayram Türkoğlu Hatay Azərbaycan Dərnəyinin başqanıdır. Onun rəhbərlik etdiyi dərnək Türkiyə Azərbaycan Dərnəkləri Federasiyasının (TADEF) üzvüdür.