İyunun 13-də Azərbaycan Respublikasının Prezidenti yanında Strateji Araşdırmalar Mərkəzi (SAM) və Azərbaycan Milli Elmlər Akademiyasının (AMEA) Fəlsəfə, Sosiologiya və Hüquq İnstitutunun birgə təşkilatçılığı ilə "Qloballaşma, milli ideya və müasir Azərbaycan" mövzusunda müzakirələr aparılacaqdır. 
SAM-dan bildirmişlər ki, tədbirdə milli ideya və qloballaşan dünyada milli eyniyyətə çağırışlar, milli inkişaf strategiyası, XXI əsrdə azərbaycançılıq, dövlətçiliyin fundamental resursu və digər məsələlər müzakirə ediləcəkdir.
Müzakirələrə Azərbaycanın dövlət və hökumət nümayəndələri, Milli Məclisin deputatları, AMEA, SAM və Azərbaycan Diplomatik Akademiyasının məsul əməkdaşları, elm xadimləri, QHT-lərin və KİV-lərin nümayəndələri qatılacaqlar.

AzərTAc