Prezident yanında Dövlət Qulluğu Məsələləri üzrə Komissiyanın sədri Bəhram Xəlilov Trend-ə bildirib ki, iyunun 24-25-də "Dövlət qulluğuna qəbul vasitəsilə şəffaflığa doğru irəli" mövzusunda "dəyirmi masa" keçiriləcək.
Dövlət qulluqçularının peşə bayramı ilə əlaqədar keçiriləcək "dəyirmi masa"da Türkiyə, Ukrayna, İrlandiya, Rumuniya, Gürcüstan, Baltikyanı ölkələr, Qazaxıstan, Cənubi Koreya, Hollandiya və Şotlandiyanın dövlət qulluğu ilə bağlı qurumlarının rəhbərləri, beynəlxalq ekspertlər, beynəlxalq təşkilatların nümayəndələri iştirak edəcəklər.
B.Xəlilov bildirib ki, tədbir dünya ictimaiyyətinin Azərbaycanda dövlət qulluğu sahəsində görülən işlər, aparılan islahatlarla bağlı maarifləndirilməsi istiqamətində mühüm addım olacaq. Həmçinin bizim bu sahədə beynəlxalq təcrübəni öyrənməyimizə geniş imkanlar yaradacaq.