Azərbaycanda dövlət büdcəsinə dəyişikliklərin qəbulundan sonra dövlət büdcəsindən maliyyələşən bütün sahələrdə əməkhaqlarının artırılması gözlənilir. Bunu Azərbaycanın maliyyə nazirinin müavini Azər Bayramov demişdir. 
Nazir müavini bildirmişdir ki, artımla yanaşı, əsas məqsəd həm də inflyasiyanın tempini azaltmaqdır. Belə ki, büdcə xərclərinin artması və əməkhaqlarının qaldırılması inflyasiya ehtimalını da artırır. Lakin bu rəqəmin ilin əvvəlində proqnozlaşdırıldığından kəskin fərqlənəcəyini düşünmədiyini deyən A.Bayramov inflyasiyanın təkrəqəmli olacağını da istisna etməmişdir.