Azərbaycanın Avropa Şurası (AŞ) yanındakı daimi nümayəndəliyindən bildirmişlər ki, qurum Azərbaycanın milli bayramı - Respublika Günü münasibətilə Strasburq şəhərində "Avropa Parlamentlər Assosiasiyası"nın binasında rəsmi ziyafət təşkil etmişdir.  
Nümayəndəliyin təşkil etdiyi qəbulda AŞ-ın yüksək rütbəli şəxsləri, Venesiya Komissiyasının katibi, Strasburqda akkreditə olunmuş diplomatik korpusun nümayəndələri, yerli idarəetmə orqanlarının məsul şəxsləri, o cümlədən şəhərin meri, Strasburq universitetinin, kütləvi informasiya vasitələrinin təmsilçiləri və soydaşlarımız iştirak etmişlər.

Əsgər ƏLİYEV AzərTAc-ın xüsusi müxbiri
Paris