Rusiya hökumətinin sədrinin müavini, Rusiya Olimpiya Komitəsinin prezidenti Aleksandr Jukovun Azərbaycana rəsmi səfəri başlamışdır. 
Səfər çərçivəsində mayın 27-də qonaq Fəxri Xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin məzarını ziyarət etmiş, xatirəsini ehtiramla anaraq məzarı önünə əklil qoymuşdur.
Görkəmli oftalmoloq alim, akademik Zərifə xanım Əliyevanın da xatirəsi yad olunub, məzarı üzərinə gül dəstəsi qoyulmuşdur.
Aleksandr Jukov daha sonra Şəhidlər Xiyabanında, Azərbaycanın azadlığı, ərazi bütövlüyü və müstəqilliyi uğrunda canlarından keçən milli qəhrəmanların xatirəsini yad etmişdir. Qonaq şəhidlərin xatirəsinə ucaldılan "Əbədi məşəl" abidəsinin önünə əklil qoymuşdur.