Mayın 25-də Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) "Dağlıq Qarabağ problemi Avropa gündəmində: Brüssel konfransı" layihəsi çərçivəsində Belçika-Azərbaycan Dostluq Cəmiyyətinin və Avropa Parlamenti nəzdində fəaliyyət göstərən "Global Comminotion" təşkilatının dəstəyi ilə Brüsseldə "Azərbaycan Avropa İttifaqı əlaqələri: geopolitik perspektivlər" mövzusunda konfrans keçiriləcəkdir.
Azərbaycan Respublikasının Prezidenti yanında QHT-lərə Dövlət Dəstəyi Şurasının iştirakı ilə təşkil olunan konfransda Avropa İttifaqı parlamentariləri Qraham Vatson və İnese Vaidere ilə yanaşı, Azərbaycan Prezidenti Administrasiyasının ictimai-siyasi məsələlər şöbəsinin diasporla iş üzrə sektor müdiri Qafar Əliyev, Milli Məclisin deputatı Azay Quliyev və ATXƏM-in sədri İlham İsmayılov məruzələrlə çıxış edəcək, müzakirələr aparılacaqdır.