ABŞ-ın Azərbaycandakı səfiri Metyu Brayza "Eurovision-2011" mahnı müsabiqəsində qazanılan möhtəşəm qələbə münasibəti ölkəmizin təmsilçiləri- Eldar Qasımov və Nigar Camalı, o cümlədən bütün Azərbaycan xalqını təbrik edib.
ABŞ səfirliyinin "Facebook" sosial şəbəkəsindəki səhifəsində yerləşdirilmiş təbrikdə deyilir: "Eldarı, Nigarı və bütün Azərbaycanı təbrik edirik! Gözəl mahnı və möhtəşəm ifa - bizim tanıdığımız və sevdiyimiz gözəl və istedadlı Azərbaycan. Kim bilir, bəlkə bir gün Avraviziya dünya miqyaslı yarışma olaraq amerikalıların qatıla biləcəyi bir müsabiqəyə çevriləcək...Bu məqamda isə, bütün Avropanın Azərbaycanı mədənı birlik və tərəfdaşlıq ovqatı ilə sinəsinə sıxaraq bizlərə yaşatdıqları sevinc anlarını sizinlə birgə qeyd edirik".